與朋友買完戰利品，覺得有點肚餓，一望錶原來已8點幾，問sales 姐姐有乜好地方醫肚，她極力推介fat angelo's ，佢話呢間有bite size dish，0岩哂我地兩個女仔食。
估唔到weekday都有七成滿，叫野食喇……
芝士肉腸pizza，燒豬仔骨(BBQ醬)，芝士焗茄子，唔知點解一見到餐牌，肚入面個鼓打得特別響，明明十分鐘前試緊衫時都唔覺餓喎!
Pizza 及焗茄子都係叫佐bite size，pizza 真係好細件，長方型，只有一部PSP咁大，係薄批，唔，幾好味喎；焗茄子就幾大碟，一層肉碎，一層蕃茄，一層茄子，面舖芝士，我朋友嫌略酸，但我覺得超好味，我唔客氣咯！豬仔骨反而只是一般，有點像燒味檔的燒排骨，個醬又有點像老麥的麥樂雞BBQ醬。
食西餐，點可以無甜品…減肥？聽日先喇！
唔該一客TIRAMISU, 一客APPLE CRUMBLE，不過就足足等佐半個鐘、催佐三次單先有得食，還好侍應都笑哂口且好有禮貌回應幫我地跟單、催廚房；後來到我食佐一啖apple crumble，先知道點解要等咁耐，我食得出呢個甜品係廚師用心做出黎…我一路食唔知講佐幾多次”好得”呢兩個字，crumble topping 脆卜卜又香口，樓下的蘋果肉夾著肉桂的香味，加上甜度適中，我差點唔想跟我朋友share 添呀！最衰唔記得影低張相，直到食tiramisu時才記得補番張咋！
呢餐朋友說要回禮搶著比錢，多謝哂啦！
因為呢個Apple Crumble甜品，Fat Angleo's，I'll be back!!!
