私房御約

繼韓式海鮮塔大熱後，蒸氣火鍋也如雨後春筍般在港越開越多，而且間間都人氣旺盛！
前兩日就聽朋友介紹，佢話喺佐敦文苑街新開左間“私房御約”，主打優質生猛海鮮，喺呢個月新張期內幫襯仲有七五折，非常抵食，叫我必定要去試下！

趁就到父親節，一家人就提前出去食餐飯啦！
因每人的份量已set定，唔使煩點菜，從餐單上睇加埋甜點有十幾款咁多！

雛菊，杞子，龍眼肉

餐廳的豉油係經過師傅調味，茶水也是别有心思的雛菊，杞子，龍眼肉泡製而成，飲落清甜

花甲

主角先上花甲：新鮮肥美，而且乾淨冇沙，係一個好嘅開始！

日本宫崎豬梅肉

跟著係日本放養豬梅肉：比普通豬肉的肉味稍為重D，唔覺得油膩，口感唔錯！

蝦：夠大隻有咬口！

龍躉

龍躉：厚切大件，食得出非常新鮮！

扇貝

扇貝：火侯啱啱好，相當鮮甜！

蟲草花紅棗冬菇蒸雞

蟲草花紅棗冬菇蒸雞：揭開盖香氣撲鼻而來，雞肉吸收左蟲草花及冬菇的香味，而肉質亦保持到嫩滑！

BB象拔蚌

象拔蚌：爽脆彈牙，相當鮮甜

七色蔬菜

食完蔬菜仲有粥，底粥吸收左海鮮及肉汁的精華，食落甜到惹口！

Frozen yoga

最後食埋生果甜點，非常滿足的一餐！
折扣後每人都係二百零蚊，有十一道菜，而且食物質素有保證，服務方面亦做得相當到位，朋友果然冇介紹錯，有下次！