Read full review
2020-11-26
1726 views
平日飲開普通嘅茶樓,今日見阿媽生日就帶佢去呢度試吓😁佢自己一定唔會嚟,一來要專登去港島區啦、二來話晒呢間都係高尚食府呀嘛!一行四人包埋小B,環境古色古香,除咗坐嘅黑色實木椅,小B嗰張BB椅都特別靚,另外茶具啦、點心紙啦、間開嘅廂房屏風以及廁所位置都仍然保留着舊式嘅氣氛。一坐低阿媽見到顯眼嘅標示茶芥$32一位,即刻眼都突埋,再揭下個Menu見到炒粉麵差唔多$200一碟即刻為之卻步,結果,我哋以點心為主,係後尾驚佢唔夠飽再加咗個荷葉飯。點心來講其實不外如是,可能啲點心名堂會有少少特別,質素就一般(可能我哋唔識嗌啦)性價比好低,只不過係因為佢係中環數一數二嘅名人飯堂🥴叉燒酥 (叉燒甘露批)- 外層係合桃酥內裏包着叉燒餡,我覺得OK嘅因為我本身鍾意食酥/批類嘅物體,點知食到最尾阿妹竟然發現左入面有條毛黐住左,即刻叫經理嚟睇吓,當然佢好有禮貌地同我地講sorry話幫我地取消咗,最後埋單仲免左我哋茶錢添🤩上湯粉果🥟(煎粉果連湯)另上一碗湯俾你浸一下炸粉果,係別有一番風味嘅。西米焗布甸 (同名)其實唔知點解叫左呢樣嘢,只係我阿妹提議叫芝麻卷,不過我唔想所以退而求其次,阿媽完全冇興趣,杰撻撻一杯野,
一坐低阿媽見到顯眼嘅標示茶芥$32一位,即刻眼都突埋,再揭下個Menu見到炒粉麵差唔多$200一碟即刻為之卻步,結果,我哋以點心為主,係後尾驚佢唔夠飽再加咗個荷葉飯。
點心來講其實不外如是,可能啲點心名堂會有少少特別,質素就一般(可能我哋唔識嗌啦)性價比好低,只不過係因為佢係中環數一數二嘅名人飯堂🥴
叉燒酥 (叉燒甘露批)- 外層係合桃酥內裏包着叉燒餡,我覺得OK嘅因為我本身鍾意食酥/批類嘅物體,點知食到最尾阿妹竟然發現左入面有條毛黐住左,即刻叫經理嚟睇吓,當然佢好有禮貌地同我地講sorry話幫我地取消咗,最後埋單仲免左我哋茶錢添🤩
上湯粉果🥟(煎粉果連湯)另上一碗湯俾你浸一下炸粉果,係別有一番風味嘅。
西米焗布甸 (同名)其實唔知點解叫左呢樣嘢,只係我阿妹提議叫芝麻卷,不過我唔想所以退而求其次,阿媽完全冇興趣,杰撻撻一杯野,細B都俾面食咗幾啖呀😝
牛柳絲春卷 (同名)平時食嘅春卷餡都係來來去去蝦同筍,今次包左牛柳絲,細B最鍾意食,因為脆卜卜。🥳
最後個荷葉飯就真係麻麻哋啦,其實都係預早整好咗叫完唔夠2分鐘就送咗出嚟。個飯超乾同埋冇乜料到,有啲遺憾😔
總括嚟講服務質素係高嘅,侍應比例算多亦都有禮貌,不過唔會專登再嚟,始終我哋平民家庭可能去呢啲地方好難盡情放肆地食。
Post