有空間可以俾小朋友玩
除咗玩具，仲有換裝
可以話係週末好去處
大人可以邊燒邊陪玩
年紀大啲嘅小朋友
都可以參與吓一齊燒
或者有唔同嘅兒童餐選擇！
除咗燒肉類之外都有熟食嘅選擇
而我最鍾意嘅當然係
爐邊芝士粟米同泡菜蛋
唔同種類嘅前菜都可以隨時免費加點
壽喜燒味道甜甜哋
有另外附蛋黃同飯一口呑～
有種有得食又有得玩嘅感覺😆
王者牛肋骨的確有氣勢
剪開之後燒到四面都好香口
牛味超濃！
個雞髀係打卡位嚟
大過小朋友塊面粗過我手臂嘅雞髀！
燒香起骨沾啲特調嘅醬料～好正
記得要預時間燒熟佢
唔洗太大火，有雞油就好搶火！
呢度係個舒服又可以靜靜地
慢慢燒嘢食同幫小朋友放電嘅地方～
兩個家庭帶埋小朋友聚會啱晒！
