Read full review
2019-07-03
753 views
星期日去咗西貢行山，大約行到下午4點幾就喺將軍澳大大小小商場行吓。行到咁上下就要醫肚喇。因為晚飯時間尚早，所以餐廳都唔多人，唔駛等位。兩個人叫咗兩個前菜，兩個主菜，兩款甜品，其實諗翻都覺得過份，好在早上做運動有消耗到。頭盤先嚟一碟泰式三文魚薄片，叫嘅時候無想像過係咩味，以為只係一般沙律前菜咁，泰式呢個只係得個名。估唔到食落驚喜喎！所謂泰式原來係類似食泰式生蝦嘅醬汁，微酸少辣，配上三文魚食都係第一次，都幾特別，幾惹味。另一前菜係冬蔭公配意大利雲呑，一大由於我自己鐘意濃味嘅，呢碗冬蔭公湯味道就略為淡咗少少。至於雲呑的的骰骰，勝在唔會食唔落之後嘅主菜。主菜分別叫咗蟹肉黃咖哩飯同鮮蝦帶子墨魚汁麵。蟹肉黃咖哩飯顏色好搶眼，擺上枱無耐已經急不及待要去試吓佢。同平時嘅咖哩有d唔同，呢個係比較杰身，用嚟撈飯真係一流嘅！黃咖哩唔辣，反而有淡淡嘅蛋香，配上蟹肉，完全無搶去蟹肉嘅鮮味。另一道主菜鮮蝦帶子墨魚汁麵，帶子係珍寶size，就算煮熟咗，直徑都有一個乒乓波咁大！蝦亦都肉質夠結實而且彈牙，非常唔錯！墨魚汁麵比一般意粉味道較濃，配上簡單海鮮已經幾好味，呢個食落去有少少辣辣哋，都幾正架！最後兩個甜品分別係招
因為晚飯時間尚早，所以餐廳都唔多人，唔駛等位。
兩個人叫咗兩個前菜，兩個主菜，兩款甜品，其實諗翻都覺得過份，好在早上做運動有消耗到。
頭盤先嚟一碟泰式三文魚薄片，叫嘅時候無想像過係咩味，以為只係一般沙律前菜咁，泰式呢個只係得個名。
估唔到食落驚喜喎！所謂泰式原來係類似食泰式生蝦嘅醬汁，微酸少辣，配上三文魚食都係第一次，都幾特別，幾惹味。
另一前菜係冬蔭公配意大利雲呑，一大由於我自己鐘意濃味嘅，呢碗冬蔭公湯味道就略為淡咗少少。至於雲呑的的骰骰，勝在唔會食唔落之後嘅主菜。
主菜分別叫咗蟹肉黃咖哩飯同鮮蝦帶子墨魚汁麵。
蟹肉黃咖哩飯顏色好搶眼，擺上枱無耐已經急不及待要去試吓佢。同平時嘅咖哩有d唔同，呢個係比較杰身，用嚟撈飯真係一流嘅！黃咖哩唔辣，反而有淡淡嘅蛋香，配上蟹肉，完全無搶去蟹肉嘅鮮味。
另一道主菜鮮蝦帶子墨魚汁麵，帶子係珍寶size，就算煮熟咗，直徑都有一個乒乓波咁大！蝦亦都肉質夠結實而且彈牙，非常唔錯！墨魚汁麵比一般意粉味道較濃，配上簡單海鮮已經幾好味，呢個食落去有少少辣辣哋，都幾正架！
最後兩個甜品分別係招牌椰子千層蛋糕同埋芒果糯米飯。椰子千層蛋龍有粒粒椰子肉，椰香味十足，真係不愧為招牌貨！至於芒果糯米飯更加無需介紹，去泰國餐廳必食嘅甜品，永無失敗啦！
Post
