Read full review
2019-05-29
401 views
都有一排冇食韓國野，一直聽聞「Outdark」炸雞岀名，次次問朋友邊間炸雞好食，總會聽到「Outdark」，女友又喜歡食炸雞，不得不拜訪一下。餐廳一到繁忙時間就full哂，建議訂位或者早啲入座。餐廳内外環境好迷人，一入門口就有個仿南山既情侶鎖牆，有興趣可以買鎖掛，而內裡設計都係卡位為主，燈光昏影，天花掛滿著燈既星星，情調十足，好適合情侶嚟。食物選擇選擇唔算十分多，主打炸雞同大鍋既炒年糕/湯鍋，價錢就屬香港食韓國菜既價位。雙拼炸雞(全份) $192揀左醬油拼香蒜蜜糖，點炸雞都會附上4款醬汁比你，我估計係柚子醬、甜辣醬、蜜糖芥末醬、燒烤醬。炸雞原來唔止炸雞咁簡單，仲有炸薯條、薯格同薯仔，先講配料炸薯條、薯格同薯仔，表面應該灑咗芝士粉，食落甜甜地，而炸物不油溢，好香口，配返炸雞佐酒一流！至於炸雞份量就比預期有啲少，炸雞已經去骨，炸粉較薄，而肉質幾嫩滑，味道方面，醬油唔夠入味，但香蒜蜜糖就好惹味，另外可以再沾附上既4款醬汁，配甜辣醬或蜜糖芥末醬都好夾。海鮮原祖炒年糕 $298可選原味或辛辣味，原味都有一隻辣椒仔，雖然我地食得辣，不過初嚐都係叫原味食真啲。圍邊有粟米水牛車打芝士、紫菜飯、香甜菠蘿
餐廳内外
環境好迷人，一入門口就有個仿南山既情侶鎖牆，有興趣可以買鎖掛，而內裡設計都係卡位為主，燈光昏影，天花掛滿著燈既星星，情調十足，好適合情侶嚟。
食物選擇
選擇唔算十分多，主打炸雞同大鍋既炒年糕/湯鍋，價錢就屬香港食韓國菜既價位。
雙拼炸雞(全份) $192
雙拼炸雞(全份)
$192
26 views
0 likes
0 comments
揀左醬油拼香蒜蜜糖，點炸雞都會附上4款醬汁比你，我估計係柚子醬、甜辣醬、蜜糖芥末醬、燒烤醬。炸雞原來唔止炸雞咁簡單，仲有炸薯條、薯格同薯仔，先講配料炸薯條、薯格同薯仔，表面應該灑咗芝士粉，食落甜甜地，而炸物不油溢，好香口，配返炸雞佐酒一流！至於炸雞份量就比預期有啲少，炸雞已經去骨，炸粉較薄，而肉質幾嫩滑，味道方面，醬油唔夠入味，但香蒜蜜糖就好惹味，另外可以再沾附上既4款醬汁，配甜辣醬或蜜糖芥末醬都好夾。
海鮮原祖炒年糕 $298
海鮮原祖炒年糕
$298
19 views
0 likes
0 comments
可選原味或辛辣味，原味都有一隻辣椒仔，雖然我地食得辣，不過初嚐都係叫原味食真啲。圍邊有粟米水牛車打芝士、紫菜飯、香甜菠蘿粒及香炒泡菜。海鮮有原隻炸八爪魚，店員會幫手剪開方便食，海鮮仲有蜆及蝦，底部仲有菜、魚糕、年糕，確係份量十足！原味其實唔辣，都係用上韓式果隻甜辣醬，但甜味為主，炸八爪魚因為浸係汁入面，所以外層唔再酥脆，不過咁樣冇咁熱氣反而我中意，加上八爪魚夠彈牙，沾上韓式甜辣醬好惹味，而蜆及蝦就正正常常，我個人好中意食魚糕、年糕，年糕煮到岩岩好，好煙韌。至於圍邊配料中意點食都得，我會將芝士同紫菜飯撈埋再加啲甜辣醬，自製炒飯。
兩個人叫2樣野已經好飽！炸雞肉質不錯，但比例可以炸雞多啲，薯格薯條少啲，而原祖炒年糕份量2個人食得哂既，係舒服既飽，如果想試多啲野，可以多啲朋友一齊嚟食，因為仲有煎餅、炸醬麵、飯卷呢啲可以試。
Post
