Cafe Paradise (杏花邨) (Closed)

朋友最近同我講佢位於杏花村的屋企有幾支酒就過期要幫手清，於是就係某個weekday放工後上去。咁當然要醫飽個肚先，我哋就選擇左這間黃色西餐食。餐廳有一個二人晚餐我認為都叫做抵食，包沙律、餐湯、小食、二道主菜、餐飲、甜品、都只係$328，起碼夠多野食。餐湯係洋蔥湯、個人認為都幾入味，凱撒沙律就比較少麵包粒。蜜糖雞翼都烤得香，又唔會太甜。主菜我哋叫左蟹籽蟹棒忌廉寛條麵，忌廉汁唔會太膩之餘又有蟹籽中和下，食落幾fresh。而慢煮油封鴨髀啲肉好淋，又唔會乾，加上醬汁甜甜地咁，食得十分滿足。甜品係啫喱，上面有cream，個人覺得比落花奶好味。