M3 Italian

晚上黎開沙田大圍同朋友聚舊，出嚟搵啲嘢食好多鋪頭都閂咗門。經過見到呢間食意大利嘅餐廳好似幾高檔，而價錢又幾平民，所以決定幫襯下。

餐廳嘅環境都幾有格調，有啲浪漫嘅氣氛，適合情人或者朋友三五知己。好彩今日唔算人多，唔使等位。

餐廳嘅款式幾多，有沙律、薄餅、粉麵飯同埋特色甜品等等，但係主打海鮮同埋扒類，不過今次就未有食，下次有機會先再食。

巴拿馬火腿配埋哈密瓜作為小食係唔錯嘅選擇，蜜瓜冰涼，拌巴拿馬火腿，賣相都幾吸引，輕輕地唔會食完就已經飽曬。幾鍾意個巴拿馬火腿，幾香，咬落有口感。

巴拿馬火腿配哈密瓜

黑松露野菌意大利飯啲飯身黏性嘅程度適中，份量都幾大。一個人食曬都會幾飽。因為呢間係意大利餐廳，所以諗住試個意大利飯。配埋法國鵝肝，真係可以話係意大利法國美食大融合。

黑松露意大利飯配法國鵝肝

意粉中我最鍾意都係卡邦尼忌廉意粉們，今次配埋溫泉蛋。可能對有啲人嚟講係有啲肥膩，但係我覺得卡邦尼忌廉再加啲煙肉整成意粉，配搭一流。

卡邦尼忌廉意粉

價錢方面，每個人200蚊，以咁嘅環境格調同埋食意大利餐嚟講，都係幾抵食嘅。