AVA Restaurant Slash Bar (Closed)

今晚同好耐冇見嘅朋友約食飯，朋友揀咗呢間餐廳，一上到去服務員就帶我坐喺位置最好嘅corner位，可以睇到靚景。當晚好少人，呢個環境好適合情侶拍拖或者約會。等緊朋友嘅時候我先睇咗佢哋嘅wine list，覺得價格非常合理，所以朋友一到我哋就即刻開咗支紅酒，然後再點嘢食。當晚人係非常少，成間餐廳五台客都冇但等左好耐好耐食物先來，但點知竟然黎錯野！服務員落錯單，我同朋友都非常無奈，因為我哋兩個明明都講得非常清楚，所以都唔明點解可以落錯單。結果又要等左一輪先至有得食。總體來講服務同食物都非常普通，但係如果第一次約會或者紀念日嚟一次都係相當唔錯。