酷廚 (Closed)

已經第二次來，第一次嚟到都已經覺得環境好舒服，餐廳完全唔會有趕你走嘅感覺。六點鐘到達，本身以為冇人，點知原來已經坐咗兩台客人係入邊。餐廳店內燈光昏暗，枱上又有小蠟燭，好有情調。前菜有凱撒雞肉沙律同紫菜脆皮雞，我認為個沙律汁好新鮮同係其他餐廳出邊食到嘅好唔一樣。主菜我哋叫咗傳統漢堡，燒豬肋骨，南瓜大蝦意大利飯。上次黎到都已經試過意大利飯，今次是新嘅傳統漢堡，都係不負眾望。賣相同味道都好好。我同朋友都覺得可以來第三次。