Video
Read full review
2021-03-13
162 views
今日突然好想食泰國嘢，就嚟咗尖沙咀呢間餐廳試吓佢嘅泰國菜。佢喺北京道其中一間大廈嘅上面，同一棟大廈都有其他嘢食。一出獵就見到好友泰國風情嘅裝修同擺設，燈光比較昏暗，但係有好多卡位係落地玻璃隔離，可以望到尖沙咀嘅景色，而且卡位好闊落，應該可以坐到六個人。我就叫咗必食嘅生蝦刺身做前菜，刺身新鮮，配埋佢個汁同埋蒜頭一齊食，有啲辣但係好好食！另外我又唔想食咖喱或者飯呢啲咁heavy嘅嘢食，所以今次就試吓佢推薦嘅鴨肉生菜包，平時喺出邊好少有鴨肉配生菜包食，嚟到嘅時候配料充足，拎咗幾羹鴨肉落個生菜度包埋食，除咗食到泰國香料嘅味道之外，都有淡淡的鴨肉香，都幾特別嘅配搭。因為呢兩碟嘢食都係比較辣，所以我就帶咗一杯番石榴沙冰，解辣之餘又可以有種清新嘅感覺，而且超級大杯好抵飲，番石榴嘅味道都好出，不過可以少啲甜味。最後當然唔少得食泰國最出名嘅芒果糯米飯啦！佢個芒果糯米飯係有普通糯米同紫糯米，仲要大大碟，一個人食嘅話都真係會太多，椰漿配糯米仲有鮮甜嘅芒果，一齊食落口真係好滿足，不過如果怕甜嘅話就可能未必鍾意，整體價錢係呢個環境下算係幾抵食，如果想約朋友係一個清幽小小嘅環境，又可以望到靚景嘅話，呢間餐廳值得推
我就叫咗必食嘅生蝦刺身做前菜，刺身新鮮，配埋佢個汁同埋蒜頭一齊食，有啲辣但係好好食！
生蝦刺身
11 views
0 likes
0 comments
另外我又唔想食咖喱或者飯呢啲咁heavy嘅嘢食，所以今次就試吓佢推薦嘅鴨肉生菜包，平時喺出邊好少有鴨肉配生菜包食，嚟到嘅時候配料充足，拎咗幾羹鴨肉落個生菜度包埋食，除咗食到泰國香料嘅味道之外，都有淡淡的鴨肉香，都幾特別嘅配搭。
鴨肉生菜包
15 views
0 likes
0 comments
鴨肉生菜包
11 views
0 likes
0 comments
因為呢兩碟嘢食都係比較辣，所以我就帶咗一杯番石榴沙冰，解辣之餘又可以有種清新嘅感覺，而且超級大杯好抵飲，番石榴嘅味道都好出，不過可以少啲甜味。
番石榴沙冰
11 views
0 likes
0 comments
最後當然唔少得食泰國最出名嘅芒果糯米飯啦！佢個芒果糯米飯係有普通糯米同紫糯米，仲要大大碟，一個人食嘅話都真係會太多，椰漿配糯米仲有鮮甜嘅芒果，一齊食落口真係好滿足，不過如果怕甜嘅話就可能未必鍾意，整體價錢係呢個環境下算係幾抵食，如果想約朋友係一個清幽小小嘅環境，又可以望到靚景嘅話，呢間餐廳值得推介！
Post
