阿嫲現烤手工蛋糕 (Moved) New Location

行過太子，諗住等車返娘家探爽爽，但miss左 ，誤打誤撞見到有蛋糕，醒起佢上次食唔到，就買的返去先。最新鮮出爐的是特濃芝士流心，非常香濃的芝士味，成架巴士都聞到，熱辣辣又鬆軟，見到芝士流出堅正，仲要係日本芝士，店方話係佢哋既秘密武器。芝麻是爸爸至愛，所以留左俾佢，芝麻很養顏，補腎，同埋微甜很健康，芝麻係店主磨醬，起到起沙的質感。喜歡佢既外面表層很靚，切開見到芝麻醬，爸爸大讚唔錯。最特別我暫時未係其他店食過的是金叵蘿蛋糕，面層似港式菠蘿包皮，主要都係土鳳梨，酸味較種，很醒胃，仲有煙韌的麻糬，本身無諗住買，但甘岩話最後一盒，甘我買埋佢，我同老公食。蛋糕真係好香的蛋味，用日本雞蛋，都要盡快食用，因為無防腐，無添加，無人造色素，見到有甘多口味，睇得出店舖的用心。