385
27
5
Level1
1
0
下晝兩點幾打電話想book枱已經太遲,唯有早啲去等位。估唔到六點多啲到嗰時已經冇曬位,於是等多一粒鐘。等位都唔boring,因為無論係cafe嘅裝修或者係menu都好趣緻好有睇頭。啲位都幾闊落,我地兩條友坐曬成張6人大枱。下次想book窗邊位,應該再正啲。討論完一輪,覺得嗌兩樣嘢食同一個甜品應該都夠曬飽。軟殼蟹pizza好特別,未試過咁crispy嘅餅底,最勁就係餅底咁薄脆,入邊竟然有為數唔少嘅薯蓉,芝士份量適中,唔會好漏,成件事好有驚喜。軟殼蟹好大隻,外酥內淋,好香,不過食到最後一舊都覺得有少少滯。蟹肉蟹膏意粉都好正,蟹肉拆得好仔細,唔會食到蟹殼。本身就鍾意食意大利扁麵多過傳統圓身意粉,呢碟又有多蟹膏包勻麵身,又有多多咬落脆卜卜嘅蟹子鋪喺面度,好有層次感。蟹蟹fans應該會好鍾意。兩杯嘢飲都係咖啡主題。本身以為豆腐咖啡係有啲豆腐喺咖啡度,但原來係豆腐味雪糕,飲飲下啲豆腐雪糕慢慢溶咗落咖啡,估唔到都幾夾,唔落糖漿都夠甜。而焦糖脆脆咖啡沙冰就相對不過不失,如果可以重啲咖啡味就更加好喇。朋友好鍾意食紫薯,見到呢度有紫薯芝士蛋糕即刻order咗。個蛋糕又真係唔甜,不過有少少失望嘅位係紫薯味似
Read full review
下晝兩點幾打電話想book枱已經太遲,唯有早啲去等位。估唔到六點多啲到嗰時已經冇曬位,於是等多一粒鐘。
等位都唔boring,因為無論係cafe嘅裝修或者係menu都好趣緻好有睇頭。
354 views
0 likes
0 comments
360 views
1 likes
0 comments

啲位都幾闊落,我地兩條友坐曬成張6人大枱。下次想book窗邊位,應該再正啲。
討論完一輪,覺得嗌兩樣嘢食同一個甜品應該都夠曬飽。

軟殼蟹pizza好特別,未試過咁crispy嘅餅底,最勁就係餅底咁薄脆,入邊竟然有為數唔少嘅薯蓉,芝士份量適中,唔會好漏,成件事好有驚喜。軟殼蟹好大隻,外酥內淋,好香,不過食到最後一舊都覺得有少少滯。
點解個個都叫軟殼蟹Pizza㗎
$138
28 views
0 likes
0 comments

蟹肉蟹膏意粉都好正,蟹肉拆得好仔細,唔會食到蟹殼。本身就鍾意食意大利扁麵多過傳統圓身意粉,呢碟又有多蟹膏包勻麵身,又有多多咬落脆卜卜嘅蟹子鋪喺面度,好有層次感。蟹蟹fans應該會好鍾意。
有蟹Go又有蟹肉的蟹蟹蟹意大利扁麵
$128
56 views
0 likes
0 comments

兩杯嘢飲都係咖啡主題。

本身以為豆腐咖啡係有啲豆腐喺咖啡度,但原來係豆腐味雪糕,飲飲下啲豆腐雪糕慢慢溶咗落咖啡,估唔到都幾夾,唔落糖漿都夠甜。
豆腐豆腐豆腐咖啡
$56
38 views
0 likes
0 comments

而焦糖脆脆咖啡沙冰就相對不過不失,如果可以重啲咖啡味就更加好喇。
焦糖脆脆咖啡沙冰
$46
25 views
0 likes
0 comments

朋友好鍾意食紫薯,見到呢度有紫薯芝士蛋糕即刻order咗。
唔甜的紫薯蛋糕
$48
15 views
0 likes
0 comments

個蛋糕又真係唔甜,不過有少少失望嘅位係紫薯味似乎冇真正融入落啲芝士蛋糕度,淨係浮喺面。不過個蛋糕size都唔係細。


整體來講嘢食環境都好高質,一定會再次幫襯,期待試吓佢哋嘅lunch Menu,個青咖喱軟殼蟹pizza好吸引。


題外話,Mamaday廁所裝修都好可愛。
13 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2020-06-04
Waiting Time
60 Minutes (Dine In)
Type of Meal
Dinner
Recommended Dishes
點解個個都叫軟殼蟹Pizza㗎
$ 138
有蟹Go又有蟹肉的蟹蟹蟹意大利扁麵
$ 128
豆腐豆腐豆腐咖啡
$ 56