鴨分了3份上碟 先來淨皮然後鴨胸(皮較少肉為主)最後就是傳統片皮鴨
鴨烤得唔錯皮的確係好香脆
但皮脂偏厚 較肥膩 有點太油膩的感覺
淨皮建議食法是配紅梅醬同爆炸糖
啅頭野實際就好玩麻麻地好食
鴨胸就配秘製芥末醬
芥末醬好正 其實配咩肉都會好食😂
1
最後一款才配傳統的青瓜蔥同海鮮醬包起食
或可包山楂條同洋蔥
包皮非常薄身有韌度 偏硬了一點
創意心思就夠哂但我都係鐘意傳統片皮鴨
唔使搞咁多花臣
我反而較喜歡這裡的前菜 推薦蜜汁脆芋絲
芋絲條好幼好脆 蜜汁好似麥芽糖咁 黏黏的
可以做到拉絲幾過癮
黑椒椒鹽炸粟米亦正 夠蒜香又脆口惹味
口水雞好重花生令醬汁過份杰身太厚太膩
麻味亦偏重 味道缺乏層次
金銀蛋浸萵筍唔係經常會食到 萵筍超爽口
全海景餐廳預左價錢不便宜
但最後埋單每人約2百幾蚊 比想像中抵食
想去個靜靜地坐得舒服有景觀的中菜館
可以考慮一試
