Honbo (Closed)

放工又去#沙田 揾野食。行去一田個邊，見到有間裝修得幾特別嘅burger 店，見價錢可以接受就入左去食下。其實成個感覺有啲似fiveguys ,都係行少少美式嘅概念。不過佢就多啲玩味。隻餐紙上面嘅公仔幾搞鬼。💋Honbo Burger店員話呢個係佢哋嘅signature. 入面有兩塊2oz 牛肉，芝士，酸瓜，洋蔥，同佢哋自家製嘅秘製醬汁。個醬汁有少少似千島醬再加少少墨西哥辣醬，幾惹味。牛肉煎到好香，亦都濃肉味。💋Cheese Burger呢個就多左生菜，同塊牛肉係4oz. 多咗生菜，仲多咗一個清新爽口嘅感覺。而且值得一讚嘅係佢個麵包都係有烘過，食落係介乎麵包同英式鬆餅之間嘅口感，唔錯。💋芝士薯寶呢個好好食。外面脆卜卜，入邊係軟林林香噴噴嘅薯粒。加上一個辣辣地嘅sauce , 食左成盤都唔會滯。💋蘋果批冰茶呢個蘋果批冰茶非常之特別。面頭呢見到一條肉桂擺左喺度，飲落係非常之濃嘅玉桂味，仲有甜甜地嘅蘋果味。平時鍾意食肉桂蘋果嘅你一定要try try💋檸檬冰茶呢個飲落就好開胃，一解Burger嘅油膩感！#hkburger #burger #shatinburger #shatin #best