餐廳位於尖沙咀K11, 超級方便。行街行到攰可以黎食下。餐廳一直都人山人海，要去到八點左右先唔洗排隊😛 所以今次策略性，八點先黎食。唔洗等位可以直入。一直都覺得阿閒泰係一間好精緻特色餐廳。以西式餐廳的精緻煮出泰國惹味的食物😉
1
🥩炭焼牛肉配青芒果沙律
炭燒牛肉惹味，燒出黎唔會好乾身同鞋口。份量都唔少，都有6-8舊厚切牛肉😙配合青芒果沙律同汁。有一啖一啖酸梅梅的令人開胃既口感作為前菜，開胃食到其他美食👍
🐔泰式棕櫚糖炭燒雞
半飯燒雞，仲有燒菠蘿做配菜。燒雞燒得好香，咬落去唔鞋口仲有豐富的肉汁，好食🤤少少美中不足係雞塊好多骨，不過其中一塊係雞腿，食落去啖啖肉。仲有啲酸辣汁，可能因應唔同人既口味👍做到泰國香料的味道☺️
🇹🇭泰式醉貓炒新鮮手造卷
類似炒河粉的菜式，口感同材料都比較特別。配合肉碎蛋碎洋蔥碎一齊炒，增加菜式的口感同咬口。
🥬烤原個椰菜花配青咖哩
菜式特別，原來椰菜花除左炒同洽之外。原來仲可以焗。原個椰菜花，的確好有創意。以青咖喱配搭，撈飯一流✌🏻
🧉手作花香斑蘭蝶豆花茶
又可以打卡又好飲的健康飲品，甜甜地又清新的花茶味。藍藍紫紫地色，絕對推介。
🧊芒果冰涼特飲
清爽芒果，雖然無芒果口感，不過清新感覺。杯面有薄荷葉。薄荷配搭芒果，格外清新。炎炎夏日，飲杯清涼飲料最爽。
