一行三人，我地點左三個主菜加甜品。一埋位就上茶芥，個人覺得杯茶幾純飲得好舒服。再送上福建四果小食，個人比較喜歡碟甜酸菜，唔會太酸易入口！👍
點左主食包菜飯 $118，有少少濕潤唔會太乾身，而且好足料，有菜、肉、冬菇及乾瑤柱，加上整個飯都有陣陣荷葉香味！
再點左芋香鴨 $98，呢個菜每次黎都會點，因為實在太好味！芋香炸到外層金黃脆口，芋蓉嫩滑，而鴨肉夠香口，肉質又嫩，每次食完都會齒頰留香！
再來黃金荷葉包三件 $114，個包炸到外脆內軟，而豬肉餡料肉質夠嫩，好味！
甜品有薄荷枇杷凍$38、桂花陳皮燉雪梨$48及建蓮雪耳湯$38，三款都好滋補，個人比較喜歡薄荷枇杷凍，清爽潤喉。
由於我地食午餐1:30後，客人較少，服務周到有笑容！
2
5
