我哋一行10位，叫咗12個餸
💎宮廷醉鴿
擺盤一流，食落唔算好重酒味，係特別嘅，出面好少食到醉乳鴿，但無咩肉食。
💎酥炸蠔餅
炸得鬆脆，蠔大粒新鮮。
💎椒麻蟶子
冷盤蟶子好少有，鮮甜爽口。
💎薑蔥豬油大地魚撈麵
普通，都好食但唔係出色。
💎滷水拼盤
感覺好普通，鵝肉好韌，其他又唔入味，可以skip。
💎煎馬友
外表平平，無諗過咁好食，出面脆口，入面肉質滑溜👍🏻
💎花甲蒸蛋
佢同平時嘅做法唔同，就係打咗個芡，蛋好滑，花甲無沙，都算ok。
💎酒香/滷水鵝肝
我哋每隻味叫咗半份試下，滷水食落無乜味，鵝肝感覺係爽爽哋，但酒香就完全唔同，好香好入味，鵝肝感覺係粉粉軟腍嘅，有種入口即溶嘅感覺，好好味👍🏻
其他一般唔特別講了
整體來講，食物質素、環境都ok，每樣食物都好有佢嘅特色，唔同一般潮州菜，尤其鵝肝非常回味，但如果要再打3x幾個電話訂枱，應該會卻步。
最後每位大概250，價錢合理
1
