Mamaday (Closed)

七月份家庭聚會選址於銅鑼灣霎西街一間樓上咖啡店。呢間餐廳係朋友介紹，覺得幾有特色，之前特意來試咗一次。聽講呢間餐廳源於台灣，之後就開到香港。餐廳充滿打卡位，而且玩味甚濃，店名、牆身嘅標語和菜名帶著中庸之道和充斥着幽默語句，給人一種會心微笑嘅感覺，部份餐枱設計以衣車為藍本，甚具特色，餐具也十分精美，難怪吸引了不少年青人幫襯。食物和飲品的賣相好靚，份量也不算細份，食味方面也算達標，價錢可以接受。得閒冇事約閨蜜在此嘆下午茶，傾吓計，這餐廳不失為一個好嘅選擇。侍應們很年輕，也很有禮貌，但店主稍為cool咗啲,沒有多大的笑容，訂位時一句起兩句止。可能我哋人數多嘅關係，有些食物上菜的速度較慢，店主知道有這問題，結帳時主動給我們九折以表歉意，這給我們有個意外嘅驚喜！還有一點要讚的是我們約三十人分別order食物，有少許混亂，心想結帳時好難知道大家叫過甚麼食，幸好結賬時不是一張單列出，而是清清楚楚每張枱分開單，等我們容易核對番自己食過啲乜，比讃。