Read full review
2022-12-29
834 views
天氣凍凍地就想打邊爐🍲走入食肆林立嘅登龍街，見到一間型格火鍋店，決定上去滾一滾！朋友唔食得太辣，所以我哋揀咗鴛鴦鍋。🟠和牛牛油麻辣麻甩沙嗲鍋，集合港式沙嗲及傳統麻辣嘅元素，味道多層次，湯底濃稠又惹味！而且可以自選辣度，令人食得過癮。🟡火腿花膠魚肚老火雞湯鍋，淨係睇個名已經好想飲個湯🥣果然慢火熬煮嘅湯底鮮味十足，花膠嫩滑，魚肚索晒湯嘅精華，未開始放食物前，一定要先飲湯呀！枱上面有兩枝藥水「Red Potion 🧪 」同「Green Potion 🧪 」其實係辣椒油🌶️同花椒油，呢兩枝神奇魔藥可以令醬料提升風味😁🐮美國特選雪花牛，霜降脂肪分布均勻，牛肉味濃郁，滾熟之後掛上湯仲多咗一份滑溜感。芝士牛肉棋子及蒜泥白肉水晶包送上枱時，仲會以乾冰配合，營造出煙霧瀰漫嘅效果，非常吸引眼球！🔸芝士牛肉棋子肉味香濃，質感豐富，流心芝士盡顯驚喜。🔸 蒜泥白肉水晶包外皮煙靱，餡料十足。一啖咬落去，蒜香爆發，風味獨特。🍣蝦佬sushi - 鮮蝦放喺蝦膠上面，食嘅時候用中火煮5分鐘就可以。可能我哋掛住傾計，過咗時間，煮到下面嗰蝦膠分離咗😆下次食要專心D睇住個鐘⏱️原來蝦膠入面有芝士架，爆漿又彈牙。💖火鍋店普遍唔着重
朋友唔食得太辣，所以我哋揀咗鴛鴦鍋。
🟠和牛牛油麻辣麻甩沙嗲鍋，集合港式沙嗲及傳統麻辣嘅元素，味道多層次，湯底濃稠又惹味！而且可以自選辣度，令人食得過癮。
🟡火腿花膠魚肚老火雞湯鍋，淨係睇個名已經好想飲個湯🥣果然慢火熬煮嘅湯底鮮味十足，花膠嫩滑，魚肚索晒湯嘅精華，未開始放食物前，一定要先飲湯呀！
枱上面有兩枝藥水「Red Potion 🧪 」同「Green Potion 🧪 」其實係辣椒油🌶️同花椒油，呢兩枝神奇魔藥可以令醬料提升風味😁
🐮美國特選雪花牛，霜降脂肪分布均勻，牛肉味濃郁，滾熟之後掛上湯仲多咗一份滑溜感。
芝士牛肉棋子及蒜泥白肉水晶包送上枱時，仲會以乾冰配合，營造出煙霧瀰漫嘅效果，非常吸引眼球！
🔸芝士牛肉棋子肉味香濃，質感豐富，流心芝士盡顯驚喜。
🔸 蒜泥白肉水晶包外皮煙靱，餡料十足。一啖咬落去，蒜香爆發，風味獨特。
🍣蝦佬sushi - 鮮蝦放喺蝦膠上面，食嘅時候用中火煮5分鐘就可以。可能我哋掛住傾計，過咗時間，煮到下面嗰蝦膠分離咗😆下次食要專心D睇住個鐘⏱️原來蝦膠入面有芝士架，爆漿又彈牙。
💖火鍋店普遍唔着重甜品，但係紅堂就有一款無論幾飽都好，大家都一定要留肚試嘅甜品！就係「拔絲糍粑小爆花」😍外型好似蒲公英嘅金黃糖絲，包住一粒小湯丸，上面灑上少許士多啤梨味爆炸糖，味道有驚喜，打卡一流！
另外不得不提嘅係餐廳嘅座位設計，每張枱都以中式屏風相隔，空間感充足之餘又有私隱度，同朋友傾計大聲少少都唔怕影響隔離！
小tips: 紅堂位於1樓，唔需要搭電梯🛗可以經大堂門口條樓梯上去，避免排隊！
22 views
0 likes
0 comments
火腿花膠魚肚老火雞湯鍋
22 views
0 likes
0 comments
拔絲糍粑小爆花
16 views
0 likes
0 comments
Post
