鐵板餐: 紐西蘭肉眼扒 $98👍🏻👍🏻👍🏻
(
個汁佢係另外配既，自己鐘意落幾多就落幾多)
不嬲對茶餐廳/冰室既鐵板餐無咩期望，但係呢度呢個鐵板肉眼扒堅係好食🤤
當然佢比唔上高級扒房， 但絕對好食過花x餐廳果d...
塊扒其實都幾大份，切開入面仲要係6-7成熟，無諗過冰室可以食到呢個生熟程度既扒。
而且無諗過佢味道都有驚喜，個汁佢係另外配既，自己鐘意落幾多就落幾多。噤樣個味道就可以自己去調節喇👍🏻
我地叫左黑椒汁，汁既味唔會太搶，唔會蓋過塊扒既肉味，可以話係我地食過最好味既冰室牛扒
.
.
焗厚切豬扒飯 $57👍🏻👍🏻
個飯可以話係抵食夾大件，個飯本身唔會太乾，加埋d茄汁份量岩岩好，撈埋一齊啖啖飯都吸到d汁🤤
上面既芝士份量唔算多，不過又岩岩好可以拉絲😂
豬扒夠厚又夠大件，啖啖咬落都爽口又彈牙👍🏻👍🏻👍🏻
.
.
美顏杏仁霜 $16👍🏻👍🏻
好香杏仁味，唔會太濃，都算唔錯啦~
.
.
跟餐凍奶茶
香滑，唔會太甜👍🏻
呢個價錢，有咁既質素真心覺得好好！
