.
🍴唏噓豬肉佬$48
配料有：花生豬手、滷水大腸、秘製豬腩肉、爽脆豬耳、滷水豬肚、紅薯粉。湯底擇左小辣x滷水汁，配料夠淋又重滷水味，略嫌小辣辣度不太夠🙈要加辣菜脯😆 紅薯粉索晒湯唔錯
.
🍴自選5淨餸
咖哩汁配炸魚皮，牛柏葉 ，豬頸肉，自製韭菜餃，鮑汁花膠，咖哩汁比較香同重口味啲，炸魚皮分碟上，份量滿意，韭菜餃皮薄幾好食，鮑汁花膠最抵，勁大舊又炆得好好食。
.
🍴花生雞腳$26
抵食小食，花生🥜勁多，雞腳炆到剛剛好，唔爛唔硬，勁鍾意佢個汁。
.
🍴錦綉多嚿魚餅$22
好出色既魚餅，即叫即煎熱辣辣，魚唔鯹仲要夠晒脆卜卜。
