九丁目燒肉料理

Open Now

Now Closed

元朗最近多左間裝修好有日本街頭風嘅燒肉店， 門面掛滿燈籠，冬天嘅話氣氛會更好。餐廳食物選擇都好多，有肉海鮮蔬菜飯麵甜品。我地叫左個牛肉盛（和牛腱肉，上品牛胸腹肉，和牛肉眼心，汁燒牛肉各4塊）貪佢咩都有，樣樣都試試。 牛空腹肉食落就彈牙啲，牛腱肉就脂肪感重啲。朋友幾鍾意牛胸腹就另外再叫多左碟個人認為佢幾有咬口，肉同脂肪比例均衡，但配埋沖繩幾唔錯。 呢個另外包兩碗mini玉子飯，保證食到飽。薩摩雞腿肉份量都多， 肉質嫩滑，調味足夠。作為bulking中嘅人士，都希望食翻啲脂肪低蛋白質重嘅食物。海鮮就係唔錯嘅選擇， 叫左成條魷魚。切好曬上，唔洗自己搞咁麻煩，啖啖肉，推薦！只係食肉，食得唔夠喉，另外叫左個和風溫泉玉子紫菜飯， 大大碗，兩個人分都夠食。最後叫埋杯嘢飲同甜品做總結薑味蘇打幾特別，唔會太甜，有一片片子薑係杯裡面。3.6牛乳雪糕草莓沙冰都好好飲。 有埋個雪糕球，好似食緊士多啤梨新地雪糕同士多啤梨奶昔嘅混合物，但係口感冇咁heavy, 而係沙冰嘅light，幾配合燒肉。