Read full review
2018-09-02
7235 views
【尖沙咀】Hugo’s - Sunday brunch - 番工辛苦咗成個星期，星期日要對自己好d食好d，上網見到呢間餐廳幾好，裝修環境食物都幾好，所以就揀咗佢嚟試下！雖然價錢比較貴，$738+10%，半自助早午餐，但係真係物有所值，所有嘢都勁好食，款式又多，我第一次試唔晒所有喇已經爆肚！首先上個麵包藍，之前上網睇話佢d麵包好出名，咁就食下啦，先食個蒜蓉包，都不錯但唔係超正，但佢個酥真係好好食，平時我唔鍾意食酥類，都覺得佢個酥真係超好食，我忍唔住勁食！自助任食部份主要分為凍海鮮，沙律同凍肉3大類凍海鮮有- 生蠔雖然細隻，但超鮮甜，仲要幫你起晒肉，一叉起就食得，超貼心，好輕鬆就可以KO一打- 龍蝦有半邊開邊同龍蝦魽，2者都肉質彈牙，鮮味，勁正呀，其實平時我唔食自助餐的蟹魽，因為大多好鞋，呢度嘅都幾好食- 蜆好大隻，都係幫你起咗肉，但就麻麻地- 蟹魽幫係開晒邊，用叉就輕鬆食到，超讚！同都幾鮮甜！- 第一次食buffet有魚子醬任食，唔會好咸，都幾好味，食咗2轉！凍肉- 鵝肝醬好香好濃郁好正，食咗2大舊，其實想食晒成兜🤣🤣🤣- Tuna tartare 配以脆筒又幾特別，吞拿魚幾新鮮- 另仲
首先上個麵包藍，之前上網睇話佢d麵包好出名，咁就食下啦，先食個蒜蓉包，都不錯但唔係超正，但佢個酥真係好好食，平時我唔鍾意食酥類，都覺得佢個酥真係超好食，我忍唔住勁食！
自助任食部份主要分為凍海鮮，沙律同凍肉3大類
凍海鮮有
- 生蠔雖然細隻，但超鮮甜，仲要幫你起晒肉，一叉起就食得，超貼心，好輕鬆就可以KO一打
- 龍蝦有半邊開邊同龍蝦魽，2者都肉質彈牙，鮮味，勁正呀，其實平時我唔食自助餐的蟹魽，因為大多好鞋，呢度嘅都幾好食
- 蜆好大隻，都係幫你起咗肉，但就麻麻地
- 蟹魽幫係開晒邊，用叉就輕鬆食到，超讚！同都幾鮮甜！
- 第一次食buffet有魚子醬任食，唔會好咸，都幾好味，食咗2轉！
凍肉
- 鵝肝醬好香好濃郁好正，食咗2大舊，其實想食晒成兜🤣🤣🤣
- Tuna tartare 配以脆筒又幾特別，吞拿魚幾新鮮
- 另仲有牛肉他他，一定要食，實在太好味！
- Parma ham原隻喺度刨出嚟，都幾好味，可以比美早前西班牙買回來的😋😋
沙律
- 撈好嘅沙律有幾款，推介大蝦芒果沙律，雜菇磨菇沙律
- 另仲有青瓜，燒意式青瓜等
有3款鮮搾果汁，芒果，石榴同橙汁，自己任斟任飲，勁讚😋😋😋
熱食就得有炸蟹餅，估唔到都不錯
餐湯係白洋蔥湯- 好清甜嘅
主菜
1）Hugo 芝士芥末焗波士頓龍蝦半隻- 出色！未上檯時仲後悔叫咗，因為叫咗先發覺出面有好多凍龍蝦任食，但食完就覺得原來無叫錯，真係好好味！肉質彈牙，加埋焗磨菇，同芝士汁，又係超好味！好細心幫你起晒肉切成細細舊，一叉起就食到。
2）法國藍帶炸牛仔- 係牛仔肉包住芝士去炸，隻雷布洛芝士味真係好重，有d似嗅豆腐🤣🤣，真係唔係人人鍾意食，伴碟有d cranberries醬汁，伴埋食就好少少，但肉質有一點點老咗，另仲有薯蓉同甘筍
甜品分自助同包了的朱古力梳乎里
- 自助甜品有9款蛋糕同撻，例如士多啤梨撻，芒果熱情果蛋糕，伯爵茶朱古力蛋糕，芒果拿破侖，cream Brulee, 女皇布甸等，再加macaroons, 另外每人再有個朱古力梳乎里，食完飽到上頭皮
飽到上頭皮都要食埋雪糕！
- 最後最後仲有3款雪葩，有芒果，焦糖同雲哩拿，個芒果超級超級香濃，幾飽都一定要食埋佢！焦糖其實都不錯。痴線d水果樣樣都勁甜，不論芒果，西瓜，蜜瓜，菠蘿，士多啤梨都係好甜，食完雪葩再食都覺得佢甜，問你死未！
呢度真係暫時食過最好的Sunday brunch buffet ! 雖然價錢貴了一點，但絕對值得！
Post
