磯の水產

Open Now

Now Closed

一嚟就梗係要叫下啲刺身嚟食先啦，我首先叫咗一份兵庫縣處女蠔，味道完全唔腥，而且都幾鮮下。然後仲叫咗北寄貝刺身，都幾爽口。食完凍凍地嘅刺身，就要食返啲熱嘢，暖吓個胃。首先叫咗個清酒煮蜆，酒味唔會好重，但係會有陣陣酒香味。然後再叫左一個日式牛小排鍋，依個鍋價錢先$138，但係份量好足。然後我哋仲叫咗唔少嘅串燒，特別一提嘅係，佢嘅雞心非常之彈牙有質感，非常之值得一試。而大蔥雞肉串燒嘅雞肉十分之嫩滑。仲有我地仲叫左鹽燒鮑魚，雞肝串同燒蟹膏飯團等，真係好滿足，要注意嘅，係佢飯團嘅份量都比較大，細食嘅朋友就要留意一下🤣🤣