九記牛什粉麵

Open Now

Now Closed

牛雜魚餅豬紅撈麵豬紅有煙靭咬口，似係食雞紅嘅質地，平平無奇下次可以唔使再試。炸魚餅有鯪魚肉香味，魚餅軟韌有口感，味道調校得較為重手，不過幾好食。草肚軟腍味道可以有咬口，帶淡淡五香汁味道，而牛蒡軟腍恰到好處，牛蒡味香好食，肥牛腸味道非常淡薄而且韌度十足，牛肺則夠軟腍，可惜五香汁味又係淡薄咗。五香牛雜整體表現一般，牛雜味及五香醬料香味薄弱，而烹調及掌握軟腍度合格。豬油醬油撈粗麵濃郁惹味，雖然油膩但係絕對係天作之合，有機會下次要試吓佢地嘅油麵。而炸餃子則唔知係乜東東，但係餃子都夠薄脆。咖啡香味足夠兼味道濃厚，淡奶香滑咖啡帶微微苦澀，算係一杯較多誠意嘅咖啡。