清真牛肉館 (龍崗道) (Closed)

放工凍凍地，想食d暖笠笠既野，諗起好耐無食過牛肉餅，即刻向九龍城出發。好彩無人等位，點左兩件牛肉餅，咖啡羊腩，清湯牛腩，炒白菜仔。記得以前成日去九龍城，都會買個牛肉餅外賣，熱辣辣，入面充滿肉汁。牛肉餅都保持水準，新鮮熱辣，入面好多肉汁，餅皮煙un，牛肉彈牙，扺佢咁出名。我見好多人專登買牛肉餅外賣，一買買好幾個。但其他兩樣就麻麻，個咖喱好辣，但d薯仔好入味。另外清湯牛腩好失望，個湯好濃味，同腩汁一樣，但飲完好口喝。