616牛肉火鍋專門店 (三陂坊) (Moved) New Location

呢間616牛肉火鍋專門店，好有舊日香港嘅感覺，往日嘅食店燈箱，路牌都成為食店懷舊裝修嘅一份子。打邊爐最重要當然就係湯底，朋友決定點鴛鴦沙牛，即係沙爹配牛骨清湯。湯底一到，沙爹香味撲鼻，即刻用湯匙試下味道，已感到香濃惹味，忍唔住用響鈴小試牛刀，果然沙爹掛上響鈴，食得香脆又過引。另外一提，叫得牛肉火鍋店，特色當然就係有好多出面食唔到嘅牛部位，我地兩人就叫咗牛朴肉，封門柳，牛杭爪等等，雖然賣相平凡，不過一食就知與別不同，牛味濃郁，肥瘦適中，就係新鮮貨嘅分別啦。最令我深刻嘅一碟牛，就係滑尾龍配上生蛋，待應提點先攪拌再淥，果然口感幼滑，加上較厚身嘅牛肉，我地真係食唔停口。差點忙記一提就係另一半湯底，牛骨湯，真係就咁飲都好香牛味，加上後加半打招牌牛丸，真係絕配。牛丸軟彈岩岩好，唔似出面多粉多膠，真係誠意之作。食到最後加多個稻庭烏冬，真係好飽好滿足，下次一定會約多幾個老友再黎食。