Read full review
2020-01-13
6695 views
有個邊爐達人朋友介紹先知，原來旺角開咗間非常有人氣的台式火鍋店，咁我就更係約埋男朋友去試吓啦！需然book咗位，但因為真係太多人，所以都等咗一陣先入得。我地今次揀咗個比較清的湯底，想試真啲啲牛的味道，因為嚟之前睇咗食評，話啲牛的質素很高！果然冇令我地失望，牛肉很鮮嫩，脂肪分布清晰均勻，下鍋後不用淥好耐就已經變色可以食得，牛肉味亦很出，老實講，任食有呢個質素真係有啲喜出望外，好易回到本海鮮亦係另一個喜出望外位，特別係啲蜆，很大隻，入面啲肉都很大隻同飽滿，而且都幾鮮甜有個私心推薦係呢度啲‘滑’，口感幾彈牙，我地食咗牛肉、豬肉、墨魚，都食得出不同的味道，非常不錯有一個位也是令我覺得性價比高的，就係‘台灣直送’的這個區域，需然食的係一般會吃到的丸類、蟹柳、芝士腸等等的火鍋配料，但老闆用上台灣的食材，感覺也較為放心和安全很多種類的菜同菇，頗新鮮和整潔。另外都有不同種類的粉麵最後不得不提係呢度的飲品，竟然會有黑糖珍珠奶茶，味道和口感仲拍得住出面街買的；另外仲有不同款色的冷泡茶同飲品，呢間餐廳實在真係性價比太高了
有個邊爐達人朋友介紹先知，原來旺角開咗間非常有人氣的台式火鍋店，咁我就更係約埋男朋友去試吓啦！需然book咗位，但因為真係太多人，所以都等咗一陣先入得。
我地今次揀咗個比較清的湯底，想試真啲啲牛的味道，因為嚟之前睇咗食評，話啲牛的質素很高！
果然冇令我地失望，牛肉很鮮嫩，脂肪分布清晰均勻，下鍋後不用淥好耐就已經變色可以食得，牛肉味亦很出，老實講，任食有呢個質素真係有啲喜出望外，好易回到本
海鮮亦係另一個喜出望外位，特別係啲蜆，很大隻，入面啲肉都很大隻同飽滿，而且都幾鮮甜
有個私心推薦係呢度啲‘滑’，口感幾彈牙，我地食咗牛肉、豬肉、墨魚，都食得出不同的味道，非常不錯
有一個位也是令我覺得性價比高的，就係‘台灣直送’的這個區域，需然食的係一般會吃到的丸類、蟹柳、芝士腸等等的火鍋配料，但老闆用上台灣的食材，感覺也較為放心和安全
很多種類的菜同菇，頗新鮮和整潔。另外都有不同種類的粉麵
最後不得不提係呢度的飲品，竟然會有黑糖珍珠奶茶，味道和口感仲拍得住出面街買的；另外仲有不同款色的冷泡茶同飲品，呢間餐廳實在真係性價比太高了
Post
