2位送腰果露/4位送雞絲粉皮
預約左1330
當日朝早會有職員打黎confirm 位
位置處於尖沙咀太子中心15樓係iSquare附近 唔會好難揾
去到餐廳同reception 講OpenRice 訂左位 好快就入到去
今日閒日去 唔多人 見到有卡位望海 問可唔可以坐個邊 職員都好好 即刻幫我哋執好張枱(嗰台客啱啱走）
順利坐左入去後 佢就會問我地飲咩茶
嗰時職員講得好快聽唔切 再問多佢一次佢就叫我哋可以睇menu
比較特別有玫瑰荔枝/桂花烏龍
我地揀左桂花烏龍 係用茶包 味好香
又可以解油膩午餐時間有lunch set
我地2個人就叫左2人餐$388
-半隻片皮鴨
-海蜇青瓜
-清水時菜
海蜇青瓜 味道偏淡 但海蜇好煙韌 口感都唔錯 份量ok 
主角出嚟啦 半隻片皮鴨 首先staff 會拎5塊鴨最脆嘅地方 (一口酥） 建議我哋點砂糖食 本人對鴨冇咩研究😂 不過熱辣辣加埋溶溶地嘅砂糖 幾特別
包片皮鴨個餅皮就係放係個蒸籠裏面 拎出黎既時候仲出緊煙 每塊皮都有塊紙 唔怕黐埋一齊
個餅皮真係好出色 個皮好smooth 好味！ 一定要熱食！
配料有一般片皮鴨既醬汁,，青瓜，京蔥 特別嘅係有酸梅醬同哈密瓜，哈密瓜幾清甜！
講咁耐 終於講隻鴨啦
師傅係門口 掛鴨嗰邊切片
上到已經有啲凍 雖然行過黎應該10秒內就到 😂
事不宜遲 馬上開吃囉
menu 上有教你點樣食
放一塊餅皮 一塊鴨再加上各種配料
完美既結合
本人都係比較喜歡加黑色醬（應該係海鮮醬？）
但同行友人就唔鐘意唔同醬 話咁樣可以食到食物既原味道
餅皮一離開蒸籠就迅速變凍 所以要盡快鋪好材料，一啖食落去 京蔥/青瓜/海鮮醬味道都好出，唯獨是哈密瓜嘅味道較為遜色。都係比較鍾意單食
最後一個菜 清水時菜 原本冇咩期望 點知係清煮紹菜 佢嘅做法類似奶油津白咁 不過就清煮 但味道又ok 又唔會煮得好硬 份量又夠多
前文提過 經OpenRice訂位 2人送腰果露
呢個糖水好surprise 唔會話好膩 仲食到腰果碎 值得一試
呢一餐overall 中上，始終自己唔係鴨愛好者 唔太識評論啲鴨 但我覺得偏向油膩 但我會為左個餅皮再黎
P.S.店舖都好貼心提供左濕紙巾同埋手套方便食片皮鴨嘅時候可以用手食
