蓮香居 (Closed)

溫馨提示:蓮香霸王鴨，冬瓜盅，蓮容焗布甸，都要訂枱時預訂喔。一開始帶咗粉葛例湯，好入味呀，飲得出味精冇油，養生之選！第二味係生炆龍躉頭腩，枝竹冬茹好入味，龍躉好彈牙新鮮。第三味係招牌菜蓮香霸王鴨！首先成隻鴨都整到好林，包括啲骨，秘製醬汁不搶鴨味，鴨裏面係釀咗好多唔同材料，有綠豆黃豆蓮子鹹蛋，端午節黎食簡直好應節！第四味係金銀蛋浸莧菜，由於其他餸菜都比較重口味，呢碟就係清泉，好大碟好扺食。第五味係豉油王大虎蝦，真係好味到不得了，蝦殼十分之趣，豉油味入晒落蝦身度，好野味！第六味係古法鴨腳包，呢樣餸幾特別新奇，裡面有叉燒，其他食唔出係咩，但幾野味。第七味係串燒金錢雞，有雞肝，叉燒同肥豬肉，一定要一啖食晒，齒頰留香。第八味係蓮蓉焗布甸，本身估佢會好甜，識落係完全唔甜呀，啱晒一啲減緊肥人士，甜美剛剛好，正！