爆爆鍋 (Closed)

行銅鑼灣見到呢間台式一人一鍋店幾得意，原來係牛大人集團嘅另一品牌，佢叫爆爆鍋係因為每款湯底都有店員幫你爆炒左先加湯，好有gimmick👍🏻 每個餐都係百零蚊左右，價錢經濟，想食多d又可以自行加配料小食等，一人一鍋黎講選擇都唔少😋安格斯牛小排套餐配爆炒櫻花蝦鮮鍋🥩🍲 - 上菜時店員先幫我用一片牛肉開爐，用牛肉嘅油脂爆炒櫻花蝦同蜆肉，炒到櫻花蝦香哂嘅時候就加入昆布湯煮滾。先試一啖湯，清甜得黎又好香櫻花蝦香味😋 餐主食牛小排有6小卷，每卷2片，份量都足夠，牛味幾香打邊爐一流。綜合海鮮拼盤套餐配爆炒燒酒烏雞鍋🐔🍲 - 朋友叫呢個鍋鑊氣十足，爆炒左烏雞後加左燒酒再點火，即刻要打個卡先🤣 湯底飲落藥材味好重，非常滋補。海鮮拼盤有4-5款海鮮，個人鐘意食鮮蝦同大蜆，2樣都新鮮鮮甜。每份套餐都包左一個麵食同一份火鍋配料，配料有幾款丸類，蔬菜同小量海鮮，一人火鍋黎講絕對足夠有餘。唔夠嘅仲可以去出面自助吧，有好幾款蔬菜任食，一定食到你飽🤭餐廳另有幾款台式小食可以加購，我地當然叫左最香口嘅鹽酥雞同魷魚，2樣都香脆惹味，好似台灣夜市食到嘅一樣😍