Video
Read full review
2018-02-18
4315 views
來到大年初三，由於今日係俗稱赤口，不宜外出拜年，所以決定趁空檔先去維園逛逛，然後再喺區內覓食。記得早前睇過報導，得知有「上海生煎皇」稱號嘅前藝人 Oscar，連同一班股東，舊年喺銅鑼灣鬧市開左間生煎包新店，由於未幫襯過，所以一直想搵個時間去試下。反正店子離維園不遠，散完步，一於過去食個包先返屋企。 店子位於銅鑼灣登龍街，是間地舖。趟門而不入，店內地方不大，只有約八張檯，全部以組合嘅木方桌為主，通道看起來有點陝窄，加上這天坐滿了食客，所以感覺上都幾逼狹。安座後先拿起店員遞上的點菜紙細看，沒想到店子雖然細細，但原來食物款式都幾多元化，除了主打的生煎包、小籠包外，店裡還有前菜、湯麵、拌麵、菜飯、熱炒、小食、酸辣湯及飲品等供應。既然一心為吃包點而來，就先點兩款招牌菜，生煎包同小籠包各兩個試試。上海生煎包 ($18/2個) 以長碟盛上，個子雖然不大，但外形脹卜卜，而且上桌時仍熱烘烘。先依指示溫柔地咬開包頂，然後再用力吹涼生煎包，細意品嘗，底層煎得金黃香脆，肉餡鮮香有彈性，湯汁豐盈，就算用手拿著吃也不覺油膩。小籠包有三款口味可供選擇，揀左較多人推介嘅蟹粉小籠包 ($35/2個)。小籠包手工果然一
來到大年初三，由於今日係俗稱赤口，不宜外出拜年，所以決定趁空檔先去維園逛逛，然後再喺區內覓食。記得早前睇過報導，得知有「上海生煎皇」稱號嘅前藝人 Oscar，連同一班股東，舊年喺銅鑼灣鬧市開左間生煎包新店，由於未幫襯過，所以一直想搵個時間去試下。反正店子離維園不遠，散完步，一於過去食個包先返屋企。 
店子位於銅鑼灣登龍街，是間地舖。趟門而不入，店內地方不大，只有約八張檯，全部以組合嘅木方桌為主，通道看起來有點陝窄，加上這天坐滿了食客，所以感覺上都幾逼狹。
安座後先拿起店員遞上的點菜紙細看，沒想到店子雖然細細，但原來食物款式都幾多元化，除了主打的生煎包、小籠包外，店裡還有前菜、湯麵、拌麵、菜飯、熱炒、小食、酸辣湯及飲品等供應。
既然一心為吃包點而來，就先點兩款招牌菜，生煎包同小籠包各兩個試試。上海生煎包 ($18/2個) 以長碟盛上，個子雖然不大，但外形脹卜卜，而且上桌時仍熱烘烘。先依指示溫柔地咬開包頂，然後再用力吹涼生煎包，細意品嘗，底層煎得金黃香脆，肉餡鮮香有彈性，湯汁豐盈，就算用手拿著吃也不覺油膩。
小籠包有三款口味可供選擇，揀左較多人推介嘅蟹粉小籠包 ($35/2個)。小籠包手工果然一流，望落去皮薄而摺數多，而且挾起時亦不易破損，可以清楚睇到裡面的湯汁。輕輕咬開，蟹粉同豬肉嘅比例若為三比二，入口皮薄多汁，有蟹鮮味，非常抵食。
意猶未盡，決定再點多客上海菜肉雲吞 ($35/6隻) 作結。雲吞一碗共有 6 粒，隻隻大小相若，上桌後先舀起一粒細看，外皮雖然未至於薄至透餡，但食落都幾滑溜，而且入口還帶鮮明蔬菜香，就算多吃也不覺膩口。臨走前見鄰桌點了一客外婆紅燒肉湯麵，見碟上的五花腩肉切得大小適中，而且件件都被濃稠的醬汁包裹著，賣相吸引，下次來一定要試下。
Post
