Crystal Lily Restaurant

九龍城隱世茶餐廳✨主打即叫即製上海手工點心，配搭港式茶餐廳款式🥢價錢都相當親民，值得推介俾鍾意中式點心同港式茶記風味嘅朋友😌餐廳開到凌晨12點，喺啟德睇完show過嚟食啱啱好😎

.
🍴灌湯小籠包
💰$48
即叫即蒸🔥薄皮多摺，夾起已經見到裡面滿滿湯汁，咬落湯香肉鮮，絕對夠爆汁💦配埋薑絲鎮江醋一齊食啱哂🥰

1

灌湯小籠包

.
🍴爆汁牛肉餅
💰$26
牛肉餅用新鮮牛肉人手製作✨煎到香口，外皮脆卜卜，入面肉餡多汁又唔油膩，咬開仲有肉汁流出🤩

爆汁牛肉餅

.
🍴芝士焗鮮茄豬扒飯
💰$66
豬扒自家醃製，最重要係無落鬆肉粉，所以食落保留返豬扒本身嘅肉質同嚼勁，肉味更突出😋焗飯鋪到成個面都係芝士，熱辣辣一上枱，芝士拉絲超誇張🧀配埋鮮茄醬，酸甜開胃，整體唔會太膩，平衡得好好😚

芝士焗鮮茄豬扒飯

.
🍴無骨海南雞飯
💰$79
海南雞皮脆肉嫩，無骨啖啖肉💕配黃姜飯，飯粒分明而且帶淡淡香料味😌三款醬汁齊全（蔥油、辣椒醬、豉油），三款齊齊用埋一齊食正😝

無骨海南雞飯雞

.
🍴白菜豬肉餃
💰$58/8隻
全部人手包製，皮薄餡靚，白菜同豬肉比例啱啱好，咬落去完全感受到餡料鮮香🤩

白菜豬肉餃

1