今次約朋友係大圍食野，食上海野劉興記生煎包，聽就好似聽得多，但都無食過 。
可能鋪頭細，去到都要排隊，等左15分鐘左右就入得 。入去之前已經見到門口話一口爆汁，請注意 。仲要唔好著新衫‼️🤣叫左2個套餐再加排骨蔥油拌麵同手功豆沙鍋餅 🫔
麻醬手撕雞+生煎包(2隻）
一上枱真係好足料，一大把青瓜絲，配上雞絲粉皮同花生醬，爽脆飽肚 。生煎包名不虛傳，每一個生煎包都勁多汁，裡面勁鮮甜肉汁，生煎包有一邊外皮勁脆 。生煎包都係即場煎，需要時間，佢都係最後熱辣辣咁上枱 。你仲可以加埋醋食，帶少少醋酸咁食仲正 😋 冇得頂👍🏻發生d 少插曲，真係會一口爆汁，d肉汁射到朋友成身都係，所以真係要食得好小心，同唔好著新衫去🤣
迷李雞絲酸辣湯+生煎包（6隻）
迷李雞絲酸辣湯係一碗仔，入面既料非常充足，而酸辣度又啱啱好，唔需要再額外加醋 好開胃 。
排骨蔥油拌麵
排骨又係新鮮即炸起上枱，排骨表面酥脆，裡面軟腍，有咬口 。拌麵油既麵粗身，唔油膩，麵質軟硬口感岩岩好，加埋豉油王去拌麵夾住啲乾蔥超香，味道岩岩好，又唔會太咸👍🏻
手功豆沙鍋餅
豆沙鍋餅表面脆脆，内裡軟糯，豆沙個人覺得微甜，甜道啱啱好，唔會整得太甜，啱晒我地口味 。
整體叫套餐都好抵食，仲包杯飲品，同埋生煎包真係必食😋要試下佢個爆汁 。
9
