泰燒遙 (Closed)

講起諾士佛臺，有D人可能會覺得呢度淨係有酒飲，其實呢度食肆林立，今晚就約咗班朋友黎呢度食泰菜。呢度除左地店方便之外，餐廳坐位都好闊落，唔駛迫迫夾夾，感覺舒服。食泰國野，又點少得生蝦泰式生蝦刺身 $128 用杯仔裝住生蝦刺身，賣相好精美。生蝦新鮮，肉質彈牙，配上杯入面嘅泰式醬汁，蒜粒同埋薄荷葉一齊食，辣得好過癮。燒遙海中寶 $698 呢個海中寶，真係餸如其名咁，好似係海中尋寶。碟入面有好多海鮮: 大蝦、蜆、翡翠螺、聖子、魷魚、青口、扇貝、流心蛋。聖子長過隻碟呀~ 好厚肉。魷魚爽口彈牙。蜆同翡翠螺無沙，扇貝就細位左D，但味道同樣鮮甜。泰式豬手 - $128豬手嘅骨膠原真係好難抗拒~ 見到真係不得不叫，泰式做法嘅豬手真係冇得挑剔，連皮食更加享受到佢既美味。海南雞(半隻) - $108雞味濃郁，皮爽肉軟，配上秘製嘅醬汁，味道酸酸辣辣，真係食唔停口。泰式燒美國牛肉沙律 - $138牛肉燒得好香口，再加入紫洋蔥、辣椒、羅勒、青檸汁，辣辣地，惹味十足。清炒雜菜 - $68雜菜清甜爽口。椰汁西米糕 $48 , 椰青糕 - $48  西米糕係我幾鍾意嘅甜品， 梗係要食埋佢喇~ 椰汁味濃，我特別喜歡。而椰