La Parrilla Steakhouse

臨近農曆新年，連西餐廳都好有中式氣氛。估唔到連阿根廷餐廳都同燈籠處處，睇嚟呢個老細都幾重視中國節日氣氛。落咗order之後，職員就會擺低一碟法包，外皮真係有啲硬，但係個心又好軟熟，點橄欖油加黑醋真係一流。前菜我哋叫咗一個醃鴨胸，佢嘅做法有啲似火腿，都係風乾咗，咁鹹嘅情況下，配埋醃青瓜葉洋蔥同埋芝士，完全可以中和咗嗰種鹹味，係好正㗎。然後我哋仲叫咗個帶子刺身，帶子刺身北海道，真係好鮮甜。再加埋佢哋呢種西式嘅青醬汁，味道又真係幾夾。呢度食牛係出名，我哋就聽咗職員嘅建議叫咗個T骨，兩個人嗌500 g原本以為支骨咁大個份量應該唔會好多，但係原來上到嚟都真係好大份。佢本身配咗六種唔同嘅醬，但係因為佢燒嘅時候已經加咗鹽，所以我覺得唔係最好味，點左就別有一番風味。我哋叫咗三成熟，始終係做開呢啲燒牛肉，佢哋嘅熟度真係拿捏得啱啱好，個肉真係好嫩，而出邊嗰一層有少少燒燶嘅焦香味，真係好正。主食方面，我哋叫咗個阿根廷紅蝦意粉，呢個意粉都不得了，因為佢個蝦膏味真係好濃郁，瞌埋眼嘅話我以為自己叫咗個龍蝦湯，而佢啲蝦肉都切碎咗，有啲似刺身嘅感覺，同樣都係好鮮甜。