喺中環加班加到夜，work life balance 放咗工梗係要去蘭桂坊行一轉搵嘢食啦～因為冇食飯肚餓又唔想齋飲，行行下就俾我見到呢間「芝加哥串燒工
場」，門口見到主打炭火燒烤與精釀啤酒，咁夾梗係值得我入去試下！
一踏入店內，不得不讚下店員！無論外面嘅外籍保安或者店內嘅店員，都用朋友嘅身份同你相處非常熱情介紹舖頭有咩食。餐牌就主打多款燒烤肉類，包括牛肋骨、海陸空三種唔同嘅特色拼盤。
當晚我就點咗一個海鮮拼盤、女朋友夜晚唔想食咁油膩就點咗啲蔬菜俾佢。當然更加唔少得嘅就係是日買一送一嘅啤酒啦，不得不提呢間舖頭真係有心思㗎唔係徐隨便便一款啤酒就日日買一送一，而係每一日都有唔同款式嘅啤酒做優惠帶大家試吓不同地方嘅啤酒味。
我第一啖落肚嘅，就係佢最得意嘅雞皮墨魚滑。墨魚滑鮮味得來再加上雞皮包住外面煎到香香脆脆，簡直係別樹一格的配搭！可惜嗰日咁啱冇生蠔是，但係最傳統最完美嘅消耗出到嚟都唔錯㗎唔會有海鮮嘅嗰種腥味，反而係慢火烤帶出嘅鮮味。至於蔬菜方面都唔好以為係求求其其㗎，每一份嘅擺盤精緻得來，而且好食唔會烤過龍或者唔會好鹹，就算好憎食油膩嘢嘅女朋友完全冇詐型！
點可以漏咗講拉絲水牛芝士條同埋烤鱔，連我唔係好鍾意食魚既，我都迷上咗呢種味道，一啲都唔腥，咬落去唔會鞋霎霎，啲肉夠滑夠嫩，忍唔住我都隊咗兩串。
值得一讚嘅係芝加哥依度音樂不會太吵，又有冇大電視睇波，適合聊天也適合聽吓音樂飲杯酒。店員又當你好朋友咁，見你差唔多飲完又幫你換酒，又介紹啲比較新鮮嘅食材我哋點絕對唔會有嗰種俾人強買強賣嘅感覺，反而係會更加願意坐多一陣喺餐廳慢慢享受✅
路過蘭桂坊，如果你唔係淨係想劈酒隊煙，而且又喜歡炭火香與啤酒的微醺感，不妨親身來感受一下💕
