BBQ by the Beach

作為港島人，好少會去到屯門，今次有機會同一大班朋友一齊去小欖燒烤樂園燒嘢食，大人細路都開心而回。

一去到，開好爐，大人就去拎嘢食。好大盤，十分豐富。

扒類充足，牛扒、雞扒、豬扒，應有盡有，仲有唔同口味，蒜蓉、燒汁、黑椒，非常惹味。

燒嘢食唔少得嘅雞翼，首推孜然同咖喱，超好味。小朋友主打食腸仔、牛丸、魚旦、燒賣，仲有麵包。而蔬菜種類繁多，粟米、翠玉瓜、茄子，仲有好鮮甜嘅番茄仔，三色椒，同娃娃菜。唔洗淨食牛咁漏，非常好。

至於小朋友，到場非常開心，好多玩樂設施。文靜嘅有穿珠仔、畫面具；好動嘅有彈彈床、籃球機。大人可以安心食嘢傾計，小朋友又可以盡情放電，真係非常開心！