Read full review
2018-07-10
1713 views
臨時臨急先決定試海南少爺，只因為見到有肉骨茶供應，最愛肉骨茶。而且同海運戲院只需幾分鐘路程，慢慢食飽飽，再慢慢游去睇戲，唔洗趕頭趕命麻。最初打電話想訂檯竟然已經爆滿，那麼利害？唯有 walk-in 等位。來到大門前，眼見不是好 full 乍喎，而且完全感覺唔到好忙既情況，前面無食客等位，5 分鐘左右已可以入座嚕。我每次見到迷你二人檯都立即頭痛頭痕，空間太細根本唔會夠位放食物，每次我都會強調唔係黎食個碟頭飯或食個即食麵呀，極度討厭﹗樣樣都想試，但只得兩口子的晚飯，食不到太多東西呢。真的要嚴謹地考濾，免得食唔晒就浪費金錢又浪費食物喇。當然首選馬來西亞藥材肉骨茶啦，衝著您而來。係香港非常十分好很難搵到肉骨茶，多年來只係飲過幾次，仲要大部份都強差人意，十足十似豉油水、似雞湯水，極為震驚。直到近年，路過屯門翡翠小廚，居然有肉骨茶提供，潮州都有肉骨茶？極品中之極品，好味到不得了呀﹗第二目標海南雞飯。好想食魚啊，但怕食唔晒，轉軚食辣椒炒蜆，不過已有心理準備，無期望。喇沙、咖喱、炒蟹、炒蝦、蠔餅、蝦餅，教我如何是好？貪吃的煩惱。滷水花生雞腳，美女工作繁忙剛剛才收工，要遲一點才能到達呢。我實在太肚餓，叫
最初打電話想訂檯竟然已經爆滿，那麼利害？唯有 walk-in 等位。來到大門前，眼見不是好 full 乍喎，而且完全感覺唔到好忙既情況，前面無食客等位，5 分鐘左右已可以入座嚕。
我每次見到迷你二人檯都立即頭痛頭痕，空間太細根本唔會夠位放食物，每次我都會強調唔係黎食個碟頭飯或食個即食麵呀，極度討厭﹗樣樣都想試，但只得兩口子的晚飯，食不到太多東西呢。真的要嚴謹地考濾，免得食唔晒就浪費金錢又浪費食物喇。
當然首選馬來西亞藥材肉骨茶啦，衝著您而來。係香港非常十分好很難搵到肉骨茶，多年來只係飲過幾次，仲要大部份都強差人意，十足十似豉油水、似雞湯水，極為震驚。直到近年，路過屯門翡翠小廚，居然有肉骨茶提供，潮州都有肉骨茶？極品中之極品，好味到不得了呀﹗
第二目標海南雞飯。好想食魚啊，但怕食唔晒，轉軚食辣椒炒蜆，不過已有心理準備，無期望。喇沙、咖喱、炒蟹、炒蝦、蠔餅、蝦餅，教我如何是好？貪吃的煩惱。
滷水花生雞腳，美女工作繁忙剛剛才收工，要遲一點才能到達呢。我實在太肚餓，叫碟腳指損住先，應該可以頂頂肚既。應該係即食冷盤來的，無需烹調，何解差不多 10 分鐘才送到架。生香港腳嗎？甩晒皮喎﹗放入嘴仔裡一咬一啜，跟舌頭不停打滾，淡淡滷水汁泛著麻油香料味道，平凡得來蠻美味，最起碼不咸不濁。
肉爽爽筋彈彈，食得過癮，最佳消礳時間既小食選擇。我覺得配菜鮮嫩紅椒絲更加好食，一向唔食花生的我，都會間中掂下烚花生既，滷水烚花生先脆後腍唔難食，無意見。
酒醉鮑魚，涼浸浸成粒啪入口，甜甜的沒帶任何酒味，似足甜醬汁炆鮑魚，嚥嚥韌韌，普普通通無特別。
馬來西亞肉骨茶，第一次肉骨茶係澳門美食節，好味；第二次屯門黃金海岸酒店，難飲；第三次紅磡茶餐廳，難飲；第四次屯門翡翠小廚，好好好好超好味啊﹗終於第五次輪到海南少爺喇，十分期待呢。
明爐送上，要耐心等待，滾開起動 ﹗先呷幾啖清澈的湯汁，過甜濁濁的味道，黨蔘味霸道，豉油味突出，半點都不可口清爽，麻麻地乍喎。鞋烚烚乾爭爭的無味雪蔵排骨，不乾不滑不鮮甜，No good。
招牌海南雞飯，硬實的雞肉，淡而無味白切雞，無油香無雞甜味，不嫩不滑溜，過熟沒半點肉汁滲出，低於水平。到底那裡才能找到頂級美味的海南雞飯呢？就連紅磡遠近馳名既泰亞萊都已被神州民收購佔領，泰婆走晒，海南雞及油味飯質素插水，味道差到慘不忍睹，可憐﹗
油味飯味道不錯，索一索芬芳吸引。食兩啖品評一下，乾爽不濕不爛，班蘭葉的香氣襯托著雞油香料飯粒的味道，滿意好味。雞唔掂，好采個飯都可以。非常單調的清雞湯，十足雞粉開出來一樣，漱漱口可以既，試兩啖放棄。
新加坡辣椒炒蜆，汆完水的蜆那會有鮮味，那會有甜味，所有天然味道已隨著滾水流失，肥美的蜆肉變得瘦猛猛。預先灼熟，有 order 兜個汁上碟當然乾手淨腳快捷方便啦。翻煮過熟，必定鞋韌，非常討厭呢。生炒才會有鑊氣，少會色香味俱全﹗強甜微辣芡汁，無鑊氣無鮮味鞋韌蜆肉，完。
參巴馬拉盞通菜，參巴什麼來的？上網搵搵原來係星馬辣椒醬，其中用法就係煮喇沙囉。見到係旱通已經面色一沉，心情低落，翠綠鮮爽的水通才是皇道。
大大注旱通塞得嘴仔脹卜卜，趙呀趙呀 ﹗強烈的苦澀味散發著微辣，可能落得太多蒜蓉咯，再加上通菜乾硬而粗糙，不爽不嫩不甜，幾啖放棄，真心難食。
參巴馬拉盞通菜食剩大半，實在太難食。肉骨茶格硬飲晒湯去，趁熱飲還可以，但排骨肉乾硬鞋食唔落。海南雞都免強食晒落肚，油味飯好味道自然地完全消滅。鮑魚、雞腳、炒蜆麻麻地都入得口。
要成 $800 蚊埋單完全唔值。侍應們都有禮貌有招乎，經理叔叔最主動，親切有熱誠，落手落腳、衝上街落、敬業樂業，非常好，讚﹗
滷水花生雞腳
14 views
0 likes
0 comments
滷水花生雞腳
15 views
0 likes
0 comments
酒醉鮑魚
14 views
0 likes
0 comments
馬來西亞肉骨茶
13 views
0 likes
0 comments
招牌海南雞飯
8 views
0 likes
0 comments
油味飯
11 views
0 likes
0 comments
清雞湯
8 views
0 likes
0 comments
新加坡辣椒炒蜆
11 views
0 likes
0 comments
參巴馬拉盞通菜
11 views
0 likes
0 comments
Post
