香港既冬天一日熱一日凍咁，著得多衫果日就好熱，著少件時就好凍，好在戴住口罩少左患感冒，但著得少衫時好凍我又頂唔順，只好行過就順手買杯熱野暖下手。
如火如茶果棟大廈既外牆搭緊棚，行過都差啲見佢唔到。我鐘意佢既滋潤養生系列，因為我真係好凍呀...叫左個山楂蘋果茶半糖，等左大約5分鐘就沖好比我，500ML 好大杯，打開想直接飲係熱到飲唔到既。好啦，咁熱好啱我拎多陣用尼暖住我對手。
都等左大約20分鐘先可以舒適暢飲，係健康既味道，叫左半糖個茶有少少酸，下次叫既話會用返普通糖份。杯底有少量蘋果乾、山楂及杞子，我就食埋塊蘋果乾。
其實我好想買佢既盆裁系列，因為好靚。但凍飲既話可能要等到夏天我先有機會試了....
