經典三重芝士和牛漢堡 $62
呢個和牛漢堡好足料，有好多沙律醬，而且仲有一大塊厚厚既和牛漢堡😋。漢堡裏面已經加咗洋蔥同黑椒味所以已經夠晒味，另外佢仲有蕃茄同埋生菜，都係比較新鮮的👍🏻 整體來講呢個和牛芝士漢堡都唔錯，唯獨係覺得可以多啲芝士。佢仲可以另外加$15，由單點升級為套餐，有餐湯、脆薯條！沙律菜同汽水🥤 成個套餐嘅份量啱啱好～
澳洲黑安格斯西冷 $148/200g
西冷扒會配上熱辣辣嘅石板，所以客人可以因應自己想食生啲或者熟啲既程度而去自己燒🐮。切個陣要小心，因為啲油會周圍彈🤣 呢塊黑安格斯西冷好厚，味道都唔錯，就算塊西冷煎耐咗都唔會特別硬，口感仲係偏淋🤤 不過建議可以加啲岩鹽，咁佢既味道就會更加出，更好味 。
餐廳仲有得自己添飯，沙律同埋湯。鍾意食飯嘅我就表示好滿足啦，因為可以不停添飯🤣 另外餐廳有提供圍裙仔俾大家煎牛個陣都可以用，唔使彈到自己啲衫👕最後店員服務都好好，好細心✨
