Tiger San (Closed)

Lunch set熱石牛$88，包芝麻醬日式沙律，味增湯同凍飲，份量幾大。熱石牛連石板上熱辣辣，一份大約6/7件牛，極之厚切，上枱時大約3成熟，俾客人根據自己需要再控制生熟程度，都幾貼心。醬汁方面有三款：日式芥末醬，芝麻醬同埋另一隻食落似味增蒜蓉醬，三款醬都跟牛肉幾夾。連埋白飯，成個餐份量算好大，女仔一個人應該食唔晒成份餐，由於牛肉切到好大件，有部分位置比較難咬開，呢一點有d扣分，食得比較狼狽，但大部分位置尚算腍滑，呢個價錢算係好抵食。跟餐凍檸茶味道屬正常，冇咩茶味。