福薈川菜 (Closed)

難得由火車站行過嚟，竟然發現有間食川菜的小店，見佢外牆貼有咁多菜式選擇，決定入去試一試～ 一坐低就有位叔叔（估係老闆）好熱情走埋嚟問我哋想食乜，我問佢冇乜辣嘢推介，佢就介紹我哋食烤魚，不過因為我見啲小菜又好似好吸引，終於叫咗幾個小菜試下： 乾鍋肥腸從未見過炒得如此香脆通透的肥腸，這裡的煮法有點像炸大腸。大腸外脆內嫩，配上點孜然粉和大量辣椒尖椒，大大件，乾身爽口，送酒一流。乾鍋田鷄我向來對田鷄情有獨鍾，這裡的田鷄是和辣椒和蒿筍一起煮，食到田鷄特有的口感和美道，蒿筍吸收了辣汁後，味道更豐富。乾鍋椰菜花原本想叫多一個肉的小菜，老闆卻推介了這個，說這個有肉有菜，非常抵食，就即管試試。的確菜花加上腩肉（份量不少），又不會太油，抵食。 另外，值得一讚的是，店員的態度相當不錯，從他們和其他食客的對話中，發現有好幾枱都是熟客，店員不只認得，而且會一起吹水，感覺像小時候，屋邨裏的街坊小店，人情味滿滿～ 臨走見到隔離枱叫的的紙包烤魚，外型相當有趣，下次一定再嚟試下～