Read full review
2018-10-25
5885 views
睇到新聞話excelsior就快拆，拿拿聲寫返篇食評，記低可能係最後一次既經驗。話說國慶當日同朋友喺銅鑼灣食飯，除左一心諗住要避開自遊行之外，根本唔記得國慶有咩特別慶祝活動。早早食完飯，諗住去間有海景既bar，去到門口見到有minimum charge，先記得國慶有煙花睇！上到Excelsior 34樓，進入室內餐廳/bar之前，左面有一道門通去Roof Terrace，如果冇黎過可能唔知有呢度！Roof Terrace望向尖沙咀，而室內餐廳/bar就係望另一面，係睇唔到煙花既。要達到minimum charge，每人大約要消費2杯cocktail或者紅白酒。我地8:15左右去到，但可能大家都等睇煙花，已經冇位坐，要企了。當晚比較多人，但等拎本menu睇，直至可以落order，再到杯野飲黎到都起碼等左半個鐘…睇煙花的話，呢個位置係幾正。不過當晚開始放煙花後唔少人（大部分都係國內遊客）不但冇叫野飲，重要推開其他人sip去最前面不停影相，放完煙花之後就走左。To be fair，當中有啲人可能係喺入面餐廳食完飯過黎terrace，但見好多一早黎左等既人反而比佢地迫左去後面，令人覺得之前既等
話說國慶當日同朋友喺銅鑼灣食飯，除左一心諗住要避開自遊行之外，根本唔記得國慶有咩特別慶祝活動。早早食完飯，諗住去間有海景既bar，去到門口見到有minimum charge，先記得國慶有煙花睇！
上到Excelsior 34樓，進入室內餐廳/bar之前，左面有一道門通去Roof Terrace，如果冇黎過可能唔知有呢度！Roof Terrace望向尖沙咀，而室內餐廳/bar就係望另一面，係睇唔到煙花既。
要達到minimum charge，每人大約要消費2杯cocktail或者紅白酒。我地8:15左右去到，但可能大家都等睇煙花，已經冇位坐，要企了。當晚比較多人，但等拎本menu睇，直至可以落order，再到杯野飲黎到都起碼等左半個鐘…
睇煙花的話，呢個位置係幾正。
不過當晚開始放煙花後唔少人（大部分都係國內遊客）不但冇叫野飲，重要推開其他人sip去最前面不停影相，放完煙花之後就走左。To be fair，當中有啲人可能係喺入面餐廳食完飯過黎terrace，但見好多一早黎左等既人反而比佢地迫左去後面，令人覺得之前既等待同埋比minimum charge失去意義。
總括黎講，呢度係唔錯既睇煙花位置，但野飲價位都偏貴，又唔太多位，所以如果下次有心睇煙花，應該會搵一間海景餐廳。但如果平日同朋友放鬆一下，可以望到海景，又喺正銅鑼灣中心，都算係可以既選擇。
Post
