Five Coffee Company (Closed)

睇左個飲食節目介紹就特登入去西貢食。首先講下環境，室內有2張2人枱，1張4人，1張高枱(向街景)，其實有小小壓迫感，枱同枱之間都夠位行既，不過要好小心唔好撞到人地杯野飲丫！另外睇過飲食節目啲主持係坐室外的，但室外唔見有枱。叫左2杯熱咖啡，2杯都唔夠熱，而且無咩咖啡味。腸拼盤，都幾好味，有唔同口感，有1條係芝士腸，仲有芝士流出黎，豬肉腸好有肉汁磨菇多士，啲磨菇夠熱，唔會好咸，味道岩岩好，但個多士硬身左啲季節限定多士係我睇左個節目後最期待既，真係幾好吃，但啲生果略嫌少左啲，個多士食落去係焗布甸咁既味道同質感，不過唔係人人都會鍾意食，因為係林pat pat既2個人1共$32x總括黎講，最失望既係咖啡同埋環境，其他都中上，不過我唔會特登再入去食。