Kobe Fusion Restaurant

朋友介紹旺角有間放題店，做緊6小時放題😎所以相約一試，座位都幾闊，唔似一般放題店咁迫。店員服務都好好。

餐點方面有刺身，壽司，煮物等，最特別係e間放題有雞煲&火鍋🙊刺身當中最喜歡甜蝦夠大隻同鮮甜😋生蠔🦪都好肥美。

壽司我地點左火炙壽司，火炙三文魚食到魚本身嘅甘香🤤鰻魚燒得香香，好唔會多骨👍🏻

燒物同天婦羅都好吸引，我地點左燒羊架，口感好好，味道帶香草味。天婦羅炸得剛好，粉漿夠簿唔油。

我地仲叫左日本和牛壽喜燒，和牛有雪花，湯式好香濃，全部配料都好入味。