環境幾舒服，唔會好迫。一坐低就即刻點食物。
首當其衝嘅係前菜，海哲同沙律。海哲係幼身啲嘅，但係個人覺得太多芝麻。沙律就唔錯，個汁幾好食，海鮮沙津，入面都有幾款唔同嘅刺身，同個汁都幾夾。
刺身就正喇。三文魚好厚好大塊都唔算話好出奇，令我覺得驚喜嘅係連帶子刺身都好大舊！一般去放題食嘅都係珍珠帶子，好細粒。但係哩個帶子係大嘅，以及鮮味都好出！今次刺身食得最多唔係三文魚同甜蝦，係帶子。
燒車厘茄同翠玉瓜，本身中意食燒蕃茄，翠玉瓜好有牛油味，不過感覺上哩到嘅燒物唔會放太多調味，食完都唔會太口乾。
另外飲品同甜品都唔錯，雖然免費只可以叫一次。梅酒梳打，幾甜唔係好苦，岩女仔飲。綠茶雪糕就係抺茶味，冇乜特別不過幾好食。
