津津食家

Open Now

Now Closed

喜歡火炭嘅大排檔，雖然交通無咁方便，但勝在自成一角，無咁多人。叫咗一碗沙田雞粥，粥底好綿，不過雞同粥似乎溝唔埋。乳鴿勝在叫一隻都得。皮炸得好脆好香口，味道亦恰到好處，推介。椒鹽白飯魚一樣係咁好味，食煎炸嘢始終係大排檔優勝。蟹肉扒西蘭花。碟頭好大，味道亦唔錯，只係西蘭花有啲咸。豆腐班腩煲，份量非常夠，而且都係好味嘅。不過呢間食肆係無酒牌，只有汽水供應。真漢子如果要大杯酒大塊肉就要自己行幾步去附近嘅便利店買。餐廳會按要求提供酒桶及冰。