無肉食 (德興街) (Closed)

朋友想食飯，竟然想約食素食，我平時最怕就係啲扮肉嘅假齋，又唔似肉又唔好食，但朋友極力推薦，就去試下呢間素食自助餐。一入門口首先比錢（星期五晚$128），環境都算闊落，我同朋友兩個人可以坐四人枱慢慢食。大約有三十盤食物任揀，由沙律、涼菜、中式菜餚、飯麵、煎炸野，到湯水、甜品都有，選擇都幾豐富，而且都係以菜/生果為主，無過重調味。飲品除左水，仲有羅漢果茶任斟，感覺都幾健康。個人好鍾意紫米露，又香又唔會死甜，即使食到好飽都忍唔住Encore多碗。如果偶然想食少啲肉，呢間都係唔錯選擇。